Галоўная бейсбольная ліга (MLB)
Галоўная бейсбольная ліга (анг. Major League Baseball (MLB)) — заснаваная ў 1876 годзе прафэсійная бейсбольная ліга Паўночнай Амерыкі, што аб’ядноўвае 29 каманд ЗША і адну з Канады. У сьвеце лічыцца наймоцнай бейсбольнай лігай.
Эмблема Мajor League Baseball
Нацыянальная бейсбольная ліга была заснаваная ў 1876 годзе з васьмі камандаў; аналягічна была заснаваная Амэрыканская бейсбольная ліга ў 1901 годзе, што складалася так жа сама з васьмі камандаў. У 1903 году гэтыя лігі аб’ядналіся.
Мае месца спор адносна таго, які год усё ж лічыць годам утварэньня MLB: 1869 (год, калі была створаная першая прафэсійная каманда Cincinnati Red Stockings) або 1876 (год утварэньня Нацыянальнай бейсбольнай лігі). На афіцыйным узроўні, тым ня менш, выкарыстоўваецца 1869 год — у 1969 праходзілі імпрэзы з нагоды 100-летняга юбілею лігі, а ў 1994 году — 125-летняга.
Па стане на 2009 год MLB уключае 30 камандаў, падзеленых на дзьве лігі па тры дывізіёны ў кожнай.
Кожны сэзон складаецца з 162 гульняў (з дадатковай гульнёй, або гульнямі, у выпадку неабходнасьці вызначыць удзельніка плэй-оф пры роўнасьці ачкоў). Сэзон гульняў стартуе ў першую нядзелю красавіка і сканчаецца ў першую нядзелю кастрычніка. Серыя плэй-оф мае месца ў кастрычніку, толькі зрэдку ў пачатку лістапада.
Кульмінацыяй сэзону зьяўляецца Сусьветная серыя (World Series) — фінал чэмпіянату Галоўнай бейсбольнай лігі, што гуляецца паміж пераможцамі чэмпіянатаў Амэрыканскай і Нацыянальнай бейсбольнай лігі. Гуляецца да чатырох перамог. Пераможца ўзнагароджваецца кубкам Сусьветнай серыі (World Seriers Trophy).
