Сусьветная сэрыя (анг. World Series) — вырашальная сэрыя гульняў у сэзоне Галоўнай лігі бейсболу. «Філадэльфія Філіс» – пераможцы апошняй (2008) Сусьветнай сэрыі, права гуляць у якой маюць лепшыя каманды Амерыканскай і Нацыянальнай лігаў. Сучасная Сусьветная сэрыя праходзіць з 1903 гаду (у 1904 і 1994 гадах гульняў не адбылося).
Пераможца сэрыі заўсёды вызначаўся ў сэрыі да чатырох перамогаў, за выключэньнем 1903, 1919, 1920 і 1921 года, калі камандзе для перамогі неабходна было перамагаць пяць разоў. «Ню-Ёрк Янкіз» удзельнічалі ў Сусьветнай сэрыі больш, чым якая-небудзь іншая каманда — 39 разоў з 102 магчымых, перамогшы ў 26 з іх. «Сэнт-Луіс Кардыналз» перамагалі 10 разоў — гэта другі паказчык ува ўсёй лізе і лепшы сярод камандаў Нацыянальнай лігі.
