Бейсбол - Беларусь » News

Major League Baseball 2K10

Sun, 14 Mar 2010 00:29:21 +0000

2 сакавіка пачаліся афіцыйныя продажы новага кампутарнага сімулятара Major League Baseball 2K10 ад кампаніі 2K Sports. Заяўляецца, што MLB 2K10 стане адным з самых рэалістычных сімулятараў бейсболу. Узяўшы ўсё лепшае з папярэдніх частак, у спалучэньні з новымі магчымасьцямі, распрацоўшчыкі паспрабавалі падвысіць узровень гульні да непазнавальнасьці. Геймеры змогуць стварыць свайго гульца і надзяліць яго асаблівымі магчымасьцямі. Чакаецца, што новы геймплэй і створыць адчуванне поўнай прысутнасьці на гульнявым полі. У гульні будуць прысутнічаць кар’ерны і шматкарыстальніцкі рэжымы.

Паведамляецца таксама, што дзякуючы больш за 300 новым анімацыям гульцоў у базе дадзеных 2K Sports, гульцы на поле будуць выглядаюць як жывыя; рэжым Franchise – дасьць магчымасьць карыстачу ўзяць на сябе кіраваньне любой з 30 камандаў і прывесьці яе да лідарства; незвычайна дакладнае прайграваньне рэакцыі гульцоў на поле ў розных сытуацыях у гульні стане магчымым дзякуючы 6-гадоваму досьведу ў зборы дадзеных аб кожным гульцу – Inside Edge 2010; камэнтатарамі матчаў стануць – Gary Thorne і Steve Phillips; прыемна пацешыць тэхналёгія 2K Presentation(tm) – дзякуючы віртуальнаму рэжысэру трансляцый і разумнай камеры карыстач не выпусціць ніводнай дэталі.

Вось некалькі з даступных у Інтэрнэце скрыншотаў гульні:

“Нэйшнлз” падпішуць дамову з Маркесам

Tue, 22 Dec 2009 18:13:38 +0000

Як паведамляюць крыніцы з бейсбольных колаў, “Нэйшнлз” (The Nationals) зьбіраюцца заключыць дамову з пітчарам Джэйсанам Маркесам. Яе ўмовы трымаюцца ў тайне.

Крыніца таксама паведамляе, што Маркес павінен прайсьці медыцынскі агляд перад тым, як пагадненьне будзе падпісана. Клюб ніяк не пракаментаваў гэтую навіну.

31-гадовы Маркес толькі скончыў адзін з сваіх лепшых сезонаў, выйграўшы для каманды “Рокіз” 15 гульняў і прайграўшы 13. Паводле паказьніка ERA Маркес мае 4.04. Ён таксама выступаў ад Каларада ў гульне Ол-стар, дзе былі прадстаўлены ўсе зоркі бейсбола.

За сваю дзесяцігадовую кар’еру, падчас якой Маркес гуляў за Брэйвз, Кардзіналз, Кабз і Рокіз (Braves, Cardinals, Cubs and Rockies), ён выйграў 94 гульні з паказьнікам ERA у 4.48.

На мінулым тыдні Маркес адзначыў, што менавіта ён можа дапамагчы маладым чальцам вашынгтонскай каманды (такім як Джон Ланан і Гарэт Мок) выйсьці на новы ўзровень. Ён падкрэсьліў, што можа навучыць маладых пітчараў усім прыёмам, якія запазычыў ад такіх ветэранаў бейсбола як Том Глэйвін, Грэг Мэдакс, Крыс Карпэнтэр і Мэт Морыс.

На самой справе, Маркес лічыць, што ён быў настаўнікам для пітчараў Хорхе дэ ля Роса і Убальда Хіменэс з “Рокіз”.

“Ад гэтых ветэранаў я навучыўся вызначаць сітуацыі ў гульні і выйграваць, а потым падзяліўся вопытам з бейсбалістамі Каларада. Я лічу, гэта вельмі дапамагло… Дэ ля Роса і Хіменэс, якія тады спрабавалі палепшыць сваю гульню”, – кажа Маркес. “Я думаю, што здолею зрабіць такі ж унёсак [сваім лідэрствам] і ў гэтую каманду”.

Паводле MLB, малюнак Getty Images

Саўладальнік «Лівэрпуля» Хікс можа атрымаць да 300 мільёнаў фунтаў ад продажу бейсбольнага клюбу

Mon, 21 Dec 2009 20:37:36 +0000

Саўладальнік «Лівэрпуля» Том Хікс блізкі да таго, каб прадаць бейсбольны клуб «Тэхас Рейнджэрз», што належыць яму і выступае ў чэмпіянаце MLB . Бізнэсмэн уступіў у эксклюзіўныя перамовы з кансорцыўмам, які ўзначальвае пітсбургскі адвакат Чак Грынберг.

Цяпер у Хікса ёсць 30 дзён, каб дамовіцца з Грынбергам, перш чым адправіць у лігу на пацверджаннье дакумэнты аб продажы клюбу. Угода таксама павінна быць ухваленая банкамі, якія зьяўляюцца крэдыторамі саўладальніка мэрсісайдцаў.

Кошт «Рейнджэрз», паводле меркаваных ацэнак, складае 300 мільёнаў фунтаў. Паводле прапановы групы Грынбэрга, сям’я Хіксаў захавае невялікую дзель акцый клюбу, паведамляе афіцыйны сайт «Тэхасу».

На фота Томас Хікс

Дэрэк Джэтэр названы спартоўцам году па вэрсыі часопіса Спортс Ілюстрэйтэд

Tue, 01 Dec 2009 21:49:22 +0000

Часопіс абвясьціў аб дадзеным рашэньні ў панядзелак. Джэтэр першы прадстаўнік каманды “Янкіз”, які атрымаў гэтую ўзнагароду з моманту яе з’яўленьня ў 1954. Летась гэтым званьнем быў ганараваны плывун Майкл Фэлпс.

“Неверагодна. Гэта было цалкам нечакана. Як гром сярод яснага неба,” — падзяліўся сваімі ўражаньнямі Джэтэр падчас фотасэсыі Associated Press. — “Калі я даведаўся аб гэтым, што тут яшчэ скажаш? Гэта адна з найвялікшых з узнагародаў, якой ты можаш быць уганараваны ў спорце.”

Па матэрыялах Associated Press

Пуёль выйграў другую запар узнагароду як Найбольш каштоўны гулец

Wed, 25 Nov 2009 13:11:15 +0000

Альбэрт Пуёль выйграў сваю другую запар узнагароду як Найбольш каштоўны гулец Нацыянальнай лігі (N.L. M.V.P. Award). Ён лідыраваў сярод іншых гульцоў па такім паказчыкам, як прабежкі ў дом (47 хоўм ранаў), прабежкі (124 раны) і паводле каэфіцыента хітэра (SLG) мае (.658).

Агулам, гэта яго трэці тытул. Болей мае толькі Бары Бодз, прычым ён жа і апярэджвае па колькасьці пасьлядоўна заваяваных тытулаў, бо вызначаўся ў перыяд з 2001 па 2004.

Падчас галасаваньня Пуёль атрымаў усе 32 галасы за першае месца і 448 пойнтаў паводле вынікаў галасаваньня, агучаным 24 лістапада Асэрыканскай асацыяцыяй бейсбольных аглядальнікаў (Baseball Writers’ Association of America).

Фота Denis Poroy/Associated Press

USA TODAY: на рынку гульцоў сёлета клубы будуць ашчадныя

Tue, 24 Nov 2009 13:07:31 +0000

Агульн лікам 171 гулец падаўся ў free agency. Яны могуць пачаць перамовы з камандамі з 20 лістапада. А сам рынак вольных агентаў Major League Baseball афіцыйна пачне сваю працу апоўначы наступнага чацьвера (3.12). Аднак замест ладных шэрагаў жадаючых пакупнікоў, каманды з высокай верагоднасьцю будуць чакаць моманту, калі задавальняючыя прапановы самі пастукацца ў іх дзьверы.

Каб пералічыць жаданых вольных агентаў сёлета хопіць і пальцаў адной рукі. Сярод іх пітчар Джон Лэкі (John Lackey), аўтфільдэры Мэт Холідэй (Matt Holliday) і Джэйсан Бэй (Jason Bay). І ужо сапраўды ніхто не чакае, што хтосьці хоць б наблізіцца да бар’ера ў $150 million, як гэта летась зрабілі “Янкі” Mark Teixeira і CC Sabathia.

“Я думаю, што гэта будзе цяжкае міжсэзоньне,” — дзеліцца з USA TODAY сваімі думкамі агент-вэтэран Том Райх (Tom Reich). — “Шматлікія клюбы спадзяюцца дапамагчы сабе шляхам гандлю ў большай ступені, чым пры дапамозе вольных агенцтваў.”

Фота Getty Images, US Presswire

Ню-Ёрк Янкіз — чэмпіён 2009!

Sat, 21 Nov 2009 16:07:21 +0000

Фота MLB.com

Янкі з Ню-Ёрку заваявалі свой 27-ы тытул наймацнейшай каманды Амэрыкі. У фінальным матчы 4 лістапада на стадыёне Янкі ў прысутнасьці 50,315 заўзятараў яны заваявалі вырашальны пойнт ў дужаньні з “Філадэльфія Філіз” (лік у матчы 7:3).

А вось, якім быў шлях да чэмпіёнства, да якога Янкіз не прыходзілі (страшна падумаць!) з 2000 гаду:

2009 World Series New York Yankees def. Philadelphia Phillies, 4-2 Most Valuable Player: Hideki Matsui, DH, New York
Game	Date	Score	Series (NYY–PHI)	Location	Attendance	Time
1	October 28	Phillies 6, Yankees 1	0–1	Yankee Stadium	50,207	3:27
2	October 29	Yankees 3, Phillies 1	1–1	Yankee Stadium	50,181	3:25
3	October 31	Yankees 8, Phillies 5	2–1	Citizens Bank Park	46,061	3:25
4	November 1	Yankees 7, Phillies 4	3–1	Citizens Bank Park	46,145	3:25
5	November 2	Phillies 8, Yankees 6	3–2	Citizens Bank Park	46,178	3:26
6	November 4	Yankees 7, Phillies 3	4–2	Yankee Stadium	50,315	3:52

У фінале чэмпіянату MLB згуляюць «Ню-Ёрк Янкіз» і «Філадэльфія Філіз»

Tue, 27 Oct 2009 15:47:06 +0000

Удзельнікамі фінальнай сэрыі MLB сёлета сталі каманды з Ню-Ёрку і Філадэльфіі.

Свой шлях да фіналу «Янкіз» праклалі, перагуляўшы «Лос-Анджэлэс Энджэлз» у 6 матчах – 4:2. У сваю чаргу дзейснаму чэмпіёну з Філадэльфіі спатрэбілася на адзін матч менш, каб адолець «Лос-Анджэлэс Доджерз» (4:1).

Першы матч фінальнай сэрыі адбудзецца 28 кастрычніка на стадыёне «Янкіз».

Кубак сьвету па бейсболе 2009

Tue, 29 Sep 2009 16:09:34 +0000

У фінальным матчы Кубку сьвету па бейсболе, які адбыўся ў італійскім горадзе Нэтуна, зборная ЗША абараніла званьне чэмпіёна. У вырашальным матчы, які адбыўся 27 верасьня, была пераможаная зборная Кубы з лікам 10:5.

Нагадаем, восем эўрапэйскіх краінаў прымалі матчы Кубку (2009 Baseball World Cup), які праходзіў з 9 па 27 верасьня. У турніры прымалі ўдзел 22 нацыі, уключаючы зборную Злучаных Штатаў Амерыкі, якая абараняла свой леташні тытул.

MLB: вынікі матчаў 125-га гульнявога дню

Tue, 11 Aug 2009 17:43:03 +0000

У рэгулярным чэмпіянаце MLB адбыліся паядынкі 125-го гульнявога дню.

Рэгулярны чэмпіянат (10 жніўня 2009):

Балтымор – Оклэнд – 1:9 (0:0, 0:2, 0:0, 0:0, 0:3, 0:0, 0:0, 0:0, 1:4)
Н.Й. Янкіз – Таронта – 4:5 (1:0, 0:0, 1:1, 2:3, 0:1, 0:0, 0:0, 0:0, 0:0)
Бостан – Дэтройт – 6:5 (2:0, 2:0, 0:0, 0:2, 1:1, 0:0, 1:2, 0:0, 0:0)
Фларыда – Х’юстан – 8:6 (4:0, 0:2, 0:0, 0:0, 0:0, 3:0, 0:0, 1:1, 0:3)
Сэнт-Луіс – Цынцынаці – 4:1 (1:1, 0:0, 0:0, 0:0, 1:0, 2:0, 0:0, 0:0, 0:0)
Каларада – Чыкага Кабс – 11:5 (2:0, 4:0, 0:0, 2:0, 0:0, 0:1, 1:0, 2:0, 0:4)
Арызона – Н.Й. Мэтс – 7:4 (0:0, 3:0, 1:0, 0:2, 1:0, 0:0, 2:0, 0:0, 0:2)
Л.А. Энджэлс – Тампа-Бэй – 8:7 (0:2, 3:0, 2:1, 1:0, 1:3, 0:1, 1:0, 0:0, 0:0)
Сіэтл – Чыкага Ўайт Сокс – 6:4 (0:0, 0:0, 0:0, 2:0, 1:2, 3:2, 0:0, 0:0, 0:0)
Сан-Францыска – Л.А. Доджэрс – 2:4 (0:0, 1:0, 0:0, 0:4, 0:0, 0:0, 0:0, 0:0, 1:0)